​Шавкат Мирзиеев жаңа «қорғаныс доктринасына» қол қойды

Өзбекстан президенті Шавкат Мирзиеев «Қорғаныс доктринасына» қол қойды. 

Қаңтар айының 9-ы күні Шавкат Мирзиеев «Өзбекстанның қорғаныс доктринасына» қол қойды.

Өзгертілген доктринада Өзбекстан қарулы күштері өзге елдердегі әскери операцияларға қатыспайтындығы және ел аумағында өзге мемлекеттердің әскери базаларын орналастыруға тыйым салынатындығы жөнінде жазылған. 

Бұдан бөлек жаңа доктрина бойынша, Өзбекстан қандай да бір әскери одаққа немесе коалицияға мүше болмайды. 

Осы уақытқа дейін Өзбекстанда 1995 жылы қабылданған «әскери доктрина» жұмыс істеп келген. 

Тәуелсіз Өзбекстан тарихындағы алғашқы «қорғаныс доктринасы» 2000 жылы Ислам Кәрімовтың тапсырмасы бойынша қабылданған. 

Дереккөз: “The Qazaq Times”