​Грузияның экс-президенті Саакашвили үш жылға қамауға алынды

Тбилиси қалалық соты Грузияның экс-президенті Михаил Саакашвилиге қатысты сот үкімін шығарды, - деп хабарлайды Грузия Online. 

Тбилиси қалалық сотының судьясы Георгий Аревадзе Грузияның экс-президентіне қатысты үкімді оқыды. Судья Саакашвилиді айыпты деп танып, оны 3 жылға бас бостандығынан айыру туралы шешім шығарды. Михаил Саакашвилиге қызметтік өкілеттігіні асыра пайдаланды деген айып тағылды. 

Айта кетейік, Саакашвили Грузиядан 2013 жылы кеткен болатын. Қазіргі уақытта ол Украинада. Осыған дейін Киевте Саакашвилидің ұсталғаны жайлы хабарланған еді.

БАҚ мәліметінше, саясаткерді пәтерінен алып кеткен. Таңғы уақытта Саакашвилидің үйінде тінту жүргізілген. Бұдан кейін ол сегіз қабатты үйдің шатырына шығып алып, "біреу-міреудің қолы тисе секіріп кететінін" мәлімдеген болатын.

Дереккөз: tengrinews.kz