Ким Чен Ын Оңтүстік Кореямен келіссөздер жүргізуге келісті

1 679 просмотра

Солтүстік Кореяның көшбасшысы Ким Чен Ын Оңтүстік қарусыздандырылған Пханмунджом аймағындағы арнайы байланыс арқылы Оңтүстік Кореямен жоғары деңгейде келіссөздер жүргізуге келісті, деп хабарлайды Baq.kz ақпарат агенттігі.

«Рёнхап» агенттігінің хабарлауынша, қос мемлекет арасындағы келіссөздер Астана уақытымен 12:30-да басталады. Тараптар Пхёнчхан қаласында өтетін қысқы Олимпиада ойындарына Корея Халық Демократиялық Республикасы құрамасының қатысу мәселесін талқылауы мүмкін.

Айта кетейік, осыған дейін Пхеньян Оңтүстік Кореяның Пхёнчхан шаһарында өтетін Олимпиада ойындарына делегация жіберу бастамасын көтерген. Осыдан кейін Оңтүстік Корея КХДР-ға жоғары деңгейде келіссөздер жүргізуге ұсыныс жолдады. Сондай-ақ, Корея Республикасының президенті Мун Чжэ Ин Солтүстік Кореяның бастамасына оң баға берді.

Дереккөз: Baq.kz

3 қаңтар 2018, 12:01

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.