Австриядағы газ станциялардың бірінде жарылыс болып, 1 адам қаза тапты. Тағы 20-дан астам кісі жарақат алды.
Олардың кейбіреуінің халі ауыр. Оқиға елдің Словакиямен шекарасына жақын жердегі Баумгартен мекенінде болды. Полицияның мәлімдеуінше, станциядағы апатқа техникалық ақау себеп. Салдарынан жарылыс болып, өрт шыққан. Қазір оқиғаға қатысты тергеу жүріп жатыр. Айта кетейік, Баумгартендегі газ станция Еуропадағы ең үлкен үш орталықтың бірі болып саналады. Бұл станция арқылы Ресейдің Батыс Еуропаға тасымалдайтын газының үштен бір бөлігі өтеді.
Дереккөз: 24.kz