Атырау, 29 наурыз 09:59
 ашықВ Атырау +10
$ 448.15
€ 483.46
₽ 4.86

АҚШ Жоғарғы соты Трамптың иммиграциялық жарлығын қолдап шықты

2 266 просмотра


АҚШ Жоғарғы соты президент Дональд Трамптың мұсылмандар басым тұратын алты ел азаматтарының АҚШ-қа кіруіне тыйым салатын иммиграциялық жарлығын толық қолданысқа енгізетін шешім шығарды.

Бұған дейін төменгі сот инстанциялары Трамптың жарлығының қолданысқа енуіне тыйым салған болатын. Бұдан соң Трамп әкімшілігі ол сот шешімдерінің күшін жою туралы Жоғарғы сотқа өтініш түсірген. Ақ үй өтінішін Жоғарғы соттың алты мүшесі қолдап, екі мүшесі қарсы дауыс берді.

Ақ үйдің баспасөз хатшысы Хоган Гидли президент әкімшілігі Жоғарғы сот президенттің "терроризм қаупі жоғары" елдер азаматтарының елге кіруін шектейтін жарлығын қолдағанына таңданбағанын айтты.

Енді, жарлықта көрсетілгендей, Иран, Йемен, Ливия, Сирия, Сомали және Чад мемлекетінің азаматтарына АҚШ-та тіпті жақын туыстары тұратынына қарамастан елге кіруіне тыйым салынбақ.

Бұған дейін президент жарлығына Гавайи штаты мен Америкалық азаматтық еркіндікті қорғау одағы (ACLU) сотқа шағымданған. Шағымданушылардың пікірінше, жарлық мұсылмандар құқығын бұзады әрі АҚШ Конституциясына қайшы және ол Трамптың сайлауалды кампаниясында айтқан "мұсылмандардың АҚШ-қа кіруіне толық тыйым салу" туралы сөзін жүзеге асырады. "Трамптың мұсылмандар туралы қате түсініп жүргені жасырын емес. Ол мұны әлденеше рет дәлелдеген" дейді ACLU заңгері Омар Джават.

Дереккөз: azattyq.org

5 желтоқсан 2017, 11:49

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.