В Атырау -4 
2 желтоқсанда Нұрсая ықшамауданының 32 жастағы тұрғыны полицияға №49 үйдің жанында тұрған «Лада Приора» көлігін ұрлап айдап кеткені туралы хабарлаған. Бірнеше сағаттан кейін «Бекет-79» полицей экипажы Махамбет ауданының Ақтоғай ауылынан 15 шақырым жерде ауыл арасындағы жолмен жүйткіп бара жатқан көлікті анықтайды.
Оларды ұстау үшін Индер ауданынан тағы бір полицей көлігі шығады. «Приораны» жан-жақтан қоршауға алған, бірақ жүргізуші тек полицейлердің бірі ауаға оқ атқаннан кейін ғана тоқтаған. Салон ішінде 16-17 жастағы үш жасөспірім болған: екеуі Атыраудан, біреуі – Махамбет ауданының тумасы. Сотқа дейінгі тергеу жұмыстары басталды.
Мұрат СҰЛТАНҒАЛИЕВ
4 желтоқсан 2017, 20:44