Әлемдегі тұңғыш биткойндық миллиардерлер аталды

2 013 просмотра

Америкалық егіздер Тайлер мен Кэмерон Уинклвосстар әлемдегі тұңғыш биткойндық миллиардер атанды. Бұл туралы жексенбі күні The Telegraph агенттігі жазды.

Ағайындылардың дәулеті 100 мың биткойнға бағаланып отыр. Бір биткойнның құны 11,7 мың доллар (Coinmarketcap криптовалюталық алаңның 3 желтоқсандағы мәліметі) тұратын болса, бұл 1,17 млрд.-қа жуық АҚШ долларын құрайды.

Басылымның мәліметінше, бизнесмендер криптовалютаны 2013 жылы 11 млн долларға сатып алған. Ол кезде бір биткойн данасы үшін 120 доллар тұрған. Бұл ретте, олар биткойндарды сатып алуға ақшаны Facebook компаниясының негізін қалаушы, Гарвард университетінде бірге оқыған Марк Цукербергтен соттасып алған. Әлеуметтік желіні құру идеясының авторлық құқығына қатысты дауда сот жеңісті егіздерге берген.

Бұл ретте бизнесмендер криптовалютаны сатып алып қана қоймай, дербес онлайн-биржа мен венчурлық қор құруды шешкен. Газеттің ақпаратынша, бүгінгі күні Уинклвосс ағайындыларына әлемдегі әрбір жүзінші биткойн тиесілі.

Дереккөз: ҚазАқпарат

4 желтоқсан 2017, 11:16

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.