Түрікменстан басшысы BMW-мен дрифт көрсетті

Түркменстан президенті Гурбангулы Бердымухамедов Автомобиль спорты орталығында болып, жарыс көлігіне отырып көрді, - деп хабарлайды Tengrinews.kz тілшісі "Хроника Туркменистана" басылымына сілтеме жасап. 

Басылымның мәліметінше, Түрікменстанның Ішкі істер министрлігі жарыс көліктерін сатып алған. Президент Гурбангулы Бердымухамедов олардың жүрісі қалай екенін жеке сынап көргісі келген. Көлікті сыртынан қарап шығып, жасыл биялай киген президент көлікке отырып көрді.

Түрікменстан президентінің автожарыстарға бірнеше рет қатысып, кәсіби спортшыларды бірнеше мәрте жеңгені аталып өтті.  

Айта кетейік, түркменстандық БАҚ Гурбангулы Бердымухамедовтің атқа отырып алып, Ашхабадтағы құрылыс нысандарын аралап, велосипед үстінде баскетбол ойнағаны мен ІІМ құрылымы қызметкерлерін жаттықтырып жүрген видеоларды жиі жариялайды. Биыл жазда Түрікменстан басшысы мергендігін паш еткен.

Дереккөз: Tengrinews.kz