Tesla бағасы 45 доллар болатын ең арзан өнімін сатылымға шығарды

Электр көмегімен қозғалатын жүк көлігінің шығуына орай Tesla компаниясы алғаш рет арзан өнім ұсынды. Аталған компанияның мамандары смартфондарға арналған сыртқы аккумулятор мен док-станция жасап шығарған, деп хабарлайды Baq.kz ақпарттық агенттігі.

Сыйымдылығы 3350 мАч болатын Tesla Powerbank бір смартфонды толықтай қуаттай алады. Аксессуардың ішінде Lightning және micro-USB сымдары жасырылған. Сол себепті, бұл батарея арқылы iPhone мен көптеген Android смартфондарын қуаттауға болады.

Екінші жаңалық – Tesla көліктеріне арналған Supercharger станциясының кішігірім көшірмесі. Базаны жәдігерлік немесе смартфондарды зарядтауға арналған құрал ретінде пайдалануға болады. Екі аксессуардың да құны – 45 доллар.

Дереккөз: Baq.kz