Атырау, 29 наурыз 13:56
 ашықВ Атырау +4
$ 448.15
€ 483.46
₽ 4.86

Балықшыдағы жылу тарифі

2 293 просмотра
Фото "АЖ" мұрағатынан алынды.


30 қазанда Атырау облыстық монополияға қарсы күрес департаменті «Атырау қаласындағы тұрғын үйлерге коммуналдық қызмет көрсету» ЖШС-нің (ТҮКҚ) Балықшы поселкесіндегі жылу тарифін бір шаршы метрге 96,4 теңге көлемінде бекітті. Бұл бұрынғы тарифтен екі есе жоғары. 

Балықшылықтар 15 қазан мен 14 қараша аралығы үшін шаршы метрі 49,8 теңге болатын ескі жылу тарифімен төлейді, әрі қарай қызмет қымбаттайды.

«Тариф жаңа объектілер бойынша қайта құрылған табиғи монополия субъектісі ретінде жеңілдетілген тәртіппен бекітілді. Ережелерге сәйкес, табиғи монополия субъектісі жеңілдетілген тәртіппен тариф енгізілген сәттен бастап 9 айдан кешіктірмей жалпы тәртіппен тарифті бекіту үшін департаментке жүгінуге міндетті», - деп жауап берді біздің редакциялық сауалымызға монополияға қарсы күрес департаменті басшысының орынбасары Әлсейіт САБЫРОВ.

Атырау қаласындағы жылу тарифін салыстырсақ: «АЖЭО» АҚ -141,6 теңге (баспананың бір шаршы метрі үшін), «Атырау су арнасы» КМК (Бірінші учаске) – 175,97 теңге, ТҮКҚ (Нұрсая ықшамауданы) – 93,78 теңге. Бағалар ҚҚС есебімен көрсетілген.

Мұрат СҰЛТАНҒАЛИЕВ

8 қараша 2017, 11:14

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.