Сооронбай Жээнбеков инаугурациясына өзге елдің президенттері қатыспайды

Сооронбай Жээнбековтың инаугурациясына өзге елдің президенттері қатыспайды – деп мәлімдеді Қырғызстан президент әкімшілігі басшысы Алмаз Үсенов. 

Оның сөзінше, президент әкімшілігі бұндай шешімге әлемдік тәжірибе негізінде келген. Бірақ инаугурацияға өзге елдің президенттері қатыспағанмен Қырғызстан аумағындағы барлық елшіліктердің елшілері қатысатын болады. Естеріңізге салайық, Сооронбай Жээнбековтың инаугурациясы қараша айының 24-і күніне белгіленген. 

Ал қараша айының 15-сі күні Алмазбек Атамбаев өзінің алты жылдық жұмысын қорытындылып, Қырғызстан президенті ретінде ең соңғы баспасөз мәслихатын өткізетін болады. 

Дереккөз: qazaqtimes.com