Макгрегор Мейвезерге өзінің ережесі бойынша айқасуды ұсынды

1 547 просмотра

UFC шебері Конор Макгрегор танымал боксшыны өзі үйренген сегізбұрышты алаң - «Октагонда» айқасуға шақырып жатыр.

Тамыз айында ирландиялық спортшы кіші Флойд Мейвезерге қарсы бокс ережелері бойынша рингке шығып, мерзімінен бұрын жеңіліп қалған болатын. Енді ол Флойдтан аралас жекпе-жек ережелері бойынша кек қайтаруға ниетті. Егер бұл айқасты ұйымдастырудың сәті түспесе, сегізбұрышта Пол Малиньяджимен жұдырықтаспақ.

«Мейвезер о баста келесі жекпе-жекті ММА-да өткізу туралы айтқан. Бұл - оның айқас алдындағы сөзі. Мен осы екі антұрғанның бірін осында сүйреп әкелемін. Мен олардың әлеміне кірдім. Мен миллиондаған көрерменге тамаша шоу жасап бердім, ал олар батылдық туралы әңгіме айтады. Олардың бірі менің әлеміме кіріп көрсін... Малиньяджи немесе Флойд ММА-да менімен кездессін. Біз оның о бастағы сөзі бойынша бокста реванш өткізуіміз мүмкін еді. ММА - келесі жол. Менде түрлі ұсыныстар бар», - дейді Макгрегор.

Дереккөз: ҚазАқпарат

2 қараша 2017, 10:49

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.