Құрманғазыны таңдады

Атырау облысы Құрманғазы ауданының орталығы Ганюшкин селосының атауын өзгерту туралы қоғамдық тыңдау өтті. Жергілікті тұрғындар Бөкейхан, Құрманғазы, Жетіарал және т. б. атауды ұсынды.

Жергілікті қоғамдық кеңестің 15 мүшесінің 12-сі Құрманғазы ауданы атауымен аттас Құрманғазы атауын таңдады. Әрі қарай бұл мәселе бойынша жергілікті атқарушы органдар мен ономастикалық комиссия жұмыс істейді.  

Ал келесі жылы осы ауданның Сафон, Приморье, Кудряшово ауылдарының атауын ауыстыру мәселесі қолға алынбақшы.

Ләззат ҚАРАЖАНОВА