В Атырау
-2 
Украина билігі Грузияның бұрынғы президенті, Одесса облысының экс-губернаторы Михаил Саакашвилиді елден депортациялау жайында сөз қозғай бастады.
Украина бас прокуроры Юрий Луценконың сөзінше, қазіргі таңда Михаил Саакашвилиді экстрадициялауға немесе депортациялауға ешқандай кедергі жоқ. Себебі Украина көші-қон қызметі Саакашвилиге саяси босқын статусын беруден бас тартқан. Ал Михаил Саакашвилидің өзі бұл жайында өзінің Facebook парақшасында: «Қазір менің Украинадағы статусым заңды. Мен Украинада тұрғылықты мекен жайы бар азаматпын. Мені елден депортациялауға немесе экстрадициялауға болмайды» - деп жазған.
Бұдан бөлек Юрий Луценко Михаил Саакашвилиді үшінші бір мемлекеттердің қолдауымен Жоғары Рада ғимараты алдында мемлекеттік төңкеріс жасамақшы болды деп айыптаған.
Естеріңізге салайық, қазан айының 22-сі күні Жоғары Рада ғимараты алдында Михаил Саакашвили жақтастары мен полиция арасында қақтығыс орын алып, ұлттық гвардия сарбаздары ереуілшілерге қарсы көзді жасаурататын газ қолданған болатын.
Дереккөз: qazaqtimes.com