Әлемдік мұнай биржаларында баға әртүрлі қалыптасты

Дүйсенбі күнгі Лондон және Нью-Йорк биржаларындағы шикізат сауда-саттығында мұнайдың бағасы әртүрлі бағытта өзгерді, деп хабарлайды «ҚазАқпарат» ХАА.  

Лондонның ICE Futures биржасында желтоқсан айында жеткізілетін Brent маркалы мұнай фьючерстерінің баррелі 0,38 долларға дейін арзандап, 57,37 долларға жетті. Ал Нью-Йорк тауар биржасында (NYMEX) WTI маркалы желтоқсан айында жеткізілетін мұнай фьючерстерінің баррелі 0,06 долларға көтеріліп, 51,9 долларды құрады.

Дереккөз: ҚазАқпарат