Бүкіл құқықтық мәселелер бір жерде шешіледі

Атырау қаласы, Сатпаев даңғылы,25 мекенжайында Құқық қорғау қызметі орталығы ашылды.

Орталықта білікті заңгерлер, адвокаттар, медиаторлар, сот орындаушылары, нотариустар, полиция және пробация қызметкерлері жұмыс жасайтын болады. Прокурорлар бұл жерде өтініштер қабылдап, кеңестер береді, азаматтарға олардың проблемасын шешу үшін бағыт-бағдар береді.

Атырау облысының прокуроры Ернат СЫБАНҚҰЛОВТЫҢ айтуынша, егер бұрын азаматқа түрлі құрылымдардан заңды көмек іздеп қаланың бір шетінен екінші шетіне баруға тура келсе, енді бұған қажеттілік жоқ. Осы сұранысқа ие құрылымдардың барлық өкілдері бір ғимаратта болады. Әр азамат білікті заңды көмек алуға құқылы. 

Абырой АЗАМАТОВ, облыстық прокуратураның баспасөз хатшысы