Әзірге ұсыныс берілді

- Жол полициясы қарбалас уақыттарда Нұрсая ықшамауданына кіретін және шығатын кезде Бейбарыс даңғылы мен Ғабдиев көшесінде қандай кептелістердің орын алатынын білмейтін болғаны ма? – деп сұрайды «АЖ» оқырмандары.

Біз облыстық ІІД әкімшілік полиция басқармасына осы ахуалға комментарий беру өтінішімен жүгінген едік.

Облыстық ІІД ӘПБ бастығының орынбасары Мырзалы ӨТЕҒАЛИЕВ жауап берді: «ӘПБ басшылығы жергілікті атқарушы органдарға қозғалыс өтуі қиын жол бөліктерін кеңейту және қосымша бағдаршамдар орнату ұсынысы берілген ақпаратпен жүгінді. Осылайша №14 көшені Мәденов көшесімен («Сарайшық» базары тұрған) және №11 көшені Нәренбаев көшесімен жалғау туралы ұсыныс енгізілді».

Барлық ұсыныстар қаралу кезеңінде.

Мұрат СҰЛТАНҒАЛИЕВ

Суретте: Аталмыш көшелер көрсетілген Нұрсая ықшамауданының картасы