В Атырау -10 
Кариб теңізінің солтүстік жағындағы Сен-Мартен аралында алты адам «Ирма» дауылының құрбаны болды, деп хабарлайды ҚазАқпарат ТАСС агенттігіне сілтеме жасап.
«Бұл ірі табиғи апат, аралдың 95 пайызы ойрандалды. Болған жайдан бәріміз абдырап қалдық», - деді жергілікті кеңес басшысы.
Сен-Мартен аралының солтүстік бөлігі Францияға, оңтүстігі (Синт-Мартин деп аталатын) - Нидерландыға тиесілі. Аралдың франциялық бөлігінде шамамен 37 мың адам, голландиялық бөлігінде - 40 мың адам тұрады. Оңтүстік бөлігінде қаза болғандар мен аралдың бүлінуі жайлы әзірге ақпарат жоқ.
Дереккөз: ҚазАқпарат
7 қыркүйек 2017, 10:45