В Атырау -10 
Атырау облысының кәмелетке толмағандардың істері жөніндегі ауданаралық сотында ҚР ӘҚБтК 131-бабы бойынша («Кәмелетке толмаған адамды масаң күйге дейін жеткізу») әкімшілік іс қаралды.
4 шілде күні сағат 22-де полиция Құрманғазы ауданы Еңбекші ауылының азық-түлік дүкенінің жанынан өзінің 15 жастағы туыс інісімен сыра ішіп отырған ауыл тұрғынын ұстайды. Медициналық-наркологиялық сараптама баладан жеңіл дәрежедегі масаңдықты анықтайды. Облыстық соттың баспасөз қызметінің хабарлауынша, құқық бұзушыға бір тәулікке қамау әкімшілік жазасы тағайындалған.
Мұрат СҰЛТАНҒАЛИЕВ
6 қыркүйек 2017, 10:44