Атырау, 20 шілде 03:50
Таңертең ашық+31, күндіз +36
ҚР Ұлттық банкінің валюта бағамы: $ 384.39  € 431.71  P 6.11

Төгілген мұнай қалдықтары қайда?

12 қаңтар 2012 16:15

Жылыой ауданындағы Асанкеткен кен орындарындағы төгілген мұнай қалдықтарына  тексеру жүргізген Жайық-Каспий экология департаменті ештеңе  таппады.

- Төгіліп жатқан қандай да бір қалдықтар анықталмады, яғни, экологиялық заңнамаларды бұзушылық фактісі орын алмаған. Тексеріске зертханалық-талдама бөлімінің мамандары тартылды. Алайда, зертханалық-талдама жасау үшін сынама алуға, қалдықтардың жоқтығы себепті мүмкіншілік болмағандығын хабарлаймыз, - дейді Жайық-Каспий экологиялық департаментінің бастығының орынбасары және Атырау облысының бас мемлекеттік экологиялық инспекторы Қабижан ҚАПАНОВ.

Оның айтуынша, тексеріс кезінде «Оңтүстік Мұнайгаз» АҚ Самек Интернешнл» ЖШС-мен келісім-шарт негізінде бұрғылау жұмыстарымен айналысатындығы анықталды. Бұрғылау жұмыстары кезінде пайда болатын қалдықтар тапсырыс беруші «Самек Интернэшнл» ЖШС мен арнайы мамандандырылған мекеменің күшімен шығарылатындығы белгілі болды.

Еске сала кетсек,  бұған дейін Жылыой ауданының Асанкеткен кен орнында заңсыз төгілген мұнай қалдықтары жайлы жазған болатынбыз.  («ЖС», №45, 10 қараша, «Зерттеуді зейнеткер Шыңғысов жүргізіп жатыр»). Жылыойлық Асылбек Шыңғысов мұнай қалдығын суретке түсіріп алып, ал сынамасын Жайық-Каспий экология департаментіне әкеліп тапсырған еді.

Айнұр САПАРОВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

2547 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4

Последние новости