В Атырау
+5 
6 қаңтарда «Арлан» ҮЕҰ жетекшісі Макс БОҚАЕВ қала әкімі М. Есмұратовтың атына 22 қаңтарда Атырауда Жаңаөзендегі оқиғаға байланысты азалы митинг өткізуге жазбаша өтініш берді.
- Мен Исатай-Махамбет алаңынан болмаса Д. Нұрпейісова, Құрманғазы бульварынан немесе Жеңіс бағындағы саяси қуғын-сүргін құрбандарына арналған ескерткіш маңынан орын беруді өтіндім, - дейді М. Боқаев. Одан өтінішті қабылдап алған Сәтбаев көшесінің бойындағы халыққа қызмет көрсету орталығындағылар (енді қала әкімінің атына жазылған өтінішті қабылдау тәртібі осындай) тек 24 қаңтарда ғана жауап бермек екен.
- Орталық қызметкерлері митинг пен пикет туралы заңмен таныс емес екендіктерін айтты. Ал онда мұндай өтінішке жауапты митинг белгіленген уақытқа дейін 5 күннен кешіктірмей беру керектігі анық көрсетілген ғой, - деп таң қалады М. Боқаев. – Бірақ мен әкімдік заңды сақтайды деген үміттемін.
Сәния ТОЙКЕН
Фотосурет "АЖ" мұрағатынан алынды