Атырау, 28 қараша 22:10
 ашық В Атырау -1
$ 423.87
€ 505.25
₽ 5.59

Қар түскенмен техника әлі жоқ

1 611 рет қаралды

Коммуналдық қызметтер тазалап үлгермеген қар қалың қабатқа айналды.

Оның үстіне жүргізушілерге -15 градусқа дейін суытқан аяз проблема тудырды. Өздерінің темір тұлпарларының «аяқ киімін ауыстырып» үлгермеген автокөлік қожайындарының көпшілігі тайғақ мұзбен жүруге тәуекел етпеді.

Естеріңізге салсақ, қазан айының аяғында Арнаулы автобаза директоры Дулат ТҰРҒЫМБАЕВ өз кәсіпорнының қысқы маусымға дайын екендігіне сендірген болатын. Солай шығар. Дегенмен, қала көшелерінен мақтауы жеткен жаңа техникалар көрінбеді. Қолдарына күрек ұстаған гастарбайтерлер ғана қар тазалап жүр. Алайда «Арнаулы автобаза» КМК директорының міндетін атқарушы Заурбек ЖАЙРЫБЕКОВ сәрсенбінің кешінен бұрқасын басталғаннан бастап жұмысқа кіріскендерін айтады.

Қалада 23 арнайы техника – тракторлар, тұз ерітіндісі бар цистерналар, тиегіш машина мен самосвалдар жұмыс істеген. 3 жүк көлігі жол бойына топырақ сеуіп, қала көшелеріне 200 тонна тұз ерітіндісі шашылған. Көшелерге штаттағы аула тазалаушылардың барлығы – 350 адам жұмылдырылып, 4 учаскеде еңбек етіпті. «Қолымыздан келгенше тазаладық», - деп сөзін түйіндейді арнаулы автобаза басшысы.

Мұрат СҰЛТАНҒАЛИЕВ

Суреттерді түсірген В. Истомин

25 қараша 2011, 13:16

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.