Цементтен героин табылды

Әлдебір «қайырымды» жан героин салынған 12 қағаз түйіншекті колония аумағына цемент салынған қапшықпен алып кірмек болған.

- 19 қыркүйек күні УГ157/9 мекемесіндегі бөлмені тексеру кезінде құрылыс мұқтаждығы үшін көмек ретінде әкелген цемент қапшығының ішінен уатылған күңгірт-сұрқай зат салынған 12 қағаз түйіншек табылды, - дейдіІІД баспасөз хатшысы Гүлназира МҰХТАРОВА. – Сараптама мұның героин екенін анықтады. Есірткінің жалпы салмағы 0,21 грамм. Осы факті бойынша 1985 жылы туылған Бірлік поселкесінің тұрғыны ұсталып, уақытша қамау изоляторына жіберілді. Тергеу ісін ІІД-нің тергеу басқармасы жүргізуде.

Зульфия БАЙНЕКЕЕВА