«ЭКСПО-2017» халықаралық мамандандырылған көрмесiне қатысуға бүгiнгi күнi 19 мемлекет келiсiм берген. Бұл туралы бүгiн Орталық коммуникациялар қызметiнде өткен баспасөз мәслихатында ҚР Сыртқы iстер министрiнiң бiрiншi орынбасары, «ЭКСПО-2017» халықаралық мамандандырылған көрмесiнiң комиссары Рәпiл Жошыбаев мәлiм еттi, деп хабарлайды BNews.kz тiлшiсi.
«Бүгiнде ЭКСПО көрмесiне қатысуға 19 мемлекет келiсiмiн бердi. Бұл жұмыс жалғасатын болады. Биылғы жылы тағы 60-тай келiсiм алуды жоспарлап отырмыз», - дедi Р. Жошыбаев.
Өз кезегiнде «Астана ЭКСПО-2017» ұлттық компаниясының басқарма төрағасы Талғат Ермегияев қазiрде құрылыс қарқынды жүргiзiлiп жатқанын атап өттi.
«Құрылыс деңгейi өте жоғары. 4 жылда салынатын құрылысты 2-2,5 жылдың iшiнде салып бiтiремiз. Халықаралық көрмелер бюросының Бас хатшысы Висенте Лоссерталесқа бәрiн көрсеттiк. Құрылыс кестесiн тағы да қысқарту мүмкiндiгi бар, келесi жылдың жазында бүкiл құрылысты бiтiрсек деген жоспар құрып отырмыз», - деп толықтырды Т.Ермегияев.
Дереккөз: bnews.kz
19 наурыз 2015, 15:40
Қате таптыңыз ба? Тінтуірмен белгілеп, Ctrl + Enter түймесін басыңыз.
Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.
В Атырау
+25 