В Атырау -2 
Алматы облысы Боралдай ауылында № 55065 әскери бөлімнің бұрынғы командирі тапаншамен атылып өлді, деп хабарлады республика қорғаныс министрлігінің баспасөз қызметі.
"Бүгін Алматы облысында № 55065 әскери бөлімінің бұрынғы командирі, полковник Абай Мырзабеков өз-өзіне қол жұмсады", - делінген хабарламада.
Қорғаныс министрлігінің өкілдері бұрынғы әскеридің өзін-өзі өлтіру ісін ҚР ІІМ әскери-тергеу басқармасы мен әскери прокуратура басқармасының қызметкерлерінен құрылған жедел-тергеу тобы тергеп жатқаны айтылған.
"Марқұм өлер алдында хат қалдырған, оның мазмұны тергеудің мүддесіне байланысты айтылмайды. Бұрынғы әскеридің өлімі жайлы ақпарат тергеу шаралары аяқталғаннан кейін жария етіледі", - делінген баспасөз баянда.
Дереккөз: Қазақстан жаңалықтары АА.