Ақордада Назарбаевтың қатысуымен қазақстандық армияның ағымдағы жағдайы талқыланды

Фото: today.kzАстана. 9 ақпан. ҚазТАГ – Қазақстан президенті Нұрсұлтан Назарбаев президенттің көмекшісі – Қауіпсіздік кеңесінің хатшысы Нұрлан Ермекбаевты және қорғаныс министрінің бірінші орынбасары – Қарулы Күштер бас штабының бастығы Сәкен Жасұзақовты қабылдады, деп хабарлады мемлекет басшысының баспасөз қызметі.

«Кездесу барысында Қарулы Күштердің қазіргі жағдайы, олардың жауынгерлік қабілетін арттыру, сондай-ақ заманауи әскери техникамен және қару-жарақпен қамтамасыз етілу мәселелері талқыланды», - делінген Ақорда сайтындағы дүйсенбілік хабарда.

Президент елдің қорғаныс өнеркәсібі кешенін және әскери-техникалық ықпалдастықты одан әрі дамыту, әскери қызметшілердің кәсіби дайындығын ұдайы жетілдіру қажеттілігіне назар аударды.

Кездесу қорытындысы бойынша мемлекет басшысы бірқатар нақты тапсырмалар берді.

Дереккөз: ҚазТАГ