Әмен Қайдар тұңғыш мультфильмнің сызбасын Сталинград майданында салған

АСТАНА. ҚазАқпарат - «Қазақ мультфильмінің қарлығашы» атанған Сталинград шайқасының ардагері, қазақтың ұлттық өнерінде алғашқы мультипликация шаңырағын көтерген, осы салада көптеген шәкірт тәрбиелеген ұлағатты ұстаз Әмен Қайдар туралы Алматы қалалық Орталық мемлекеттік мұрағат қорында біраз құжаттар сақталған, деп жазады «Алматы ақшамы» басылымы.

Басылымның жазуынша, 2006 жылы Әмен ағаның жеке мұрағатындағы құжаттары Алматы қаласы Орталық мемлекеттік мұрағатына тұрақты сақтауға қабылданған. Онда суреттерге жан бітірген, қазақ тіліндегі тұңғыш мультфильмінің алғашқы сызба нұсқасы да бар. Сонымен қатар, майдан даласынан артындағы жалғыз қарындасы Райханға жазылған үшбу хаты мен сол сұрапыл күндер туралы естелік қолжазбасы мұрағаттағы құнды құжатқа айналған.

Дереккөз: inform.kz