Қамалиев ҚТЖ вице-президенті болып тағайындалды

Фото: tengrinews.kzАстана. 30 қаңтар. ҚазТАГ – Берік Қамалиев «Қазақстан темір жолы» (ҚТЖ) ҰК» АҚ вице-президенті болып тағайындалды, деп хабарлады компанияның баспасөз қызметінен.

«Қазақстан темір жолы» ҰК» АҚ президентінің 2015 жылғы 30 қаңтардағы бұйрығымен компанияның вице-президенті болып Қамалиев Берік Сайлауұлы тағайындалды», - делінген жұма күні таратылған хабарда.

2010 жалдан бастап 2014 жыл аралығында Б.Қамалиев индустрия және жаңа технологиялар вице-министрі, көлік және коммуникация министрі, ҚР премьер-министрінің кеңесшісі болды.

2014 жылдың мамырынан бастап «ҚазАвтоЖол» ҰК» АҚ басқармасының төрағасы болған.

Сонымен қатар ҚТЖ вице-президенті міндетін атқарған Ермек Қизатов «ҚазАвтоЖол» ҰК» АҚ басқармасының төрағасы болып тағайындалған.

«Қазақстан темір жолы» Ұлттық компаниясы» АҚ – ҚР ұлттық темір жол тасымалдаушысы. Компанияның жалғыз акционері - «Самұрық-Қазына» ұлттық әл-ауқат қоры.

Дереккөз: ҚазТАГ