Алматы мен Астанада әуе таксиі пайда болды

Қазақстанда әуе таксиі пайда болды. "Әуе такси" деп аталатын қызмет Алматы мен Астанада жолаушыларға тікұшақпен тасымалдауды ұсынады, - деп хабарлайды LS журналы.

Басылымның мәліметінше, ұшу қашықтығы - 600 шақырымға дейін. Әуе таксиінің тікұшақ паркінде Қазақстанда құрастырылған 16 еврокоптер, ресейлік Ми-8 тікұшақтарының 7 данасы және Robinson деп аталатын америкалық үш тікұшақ моделі бар.

Тасымалдау құны қашықтығына, жолаушылар санына және ұшу уақытына байланысты. Орташа есептегенде бір сағат ұшу 300 мыңнан 800 мың теңгеге дейін. Әуе таксиі қызметін бастағалы бері 10 рейс жасап үлгерді.

Дереккөз: tengrinews.kz