В Атырау
-3 
Жариялау процесі туралы тұрақты түсіп тұратын сұрақтарға Атырау облыстық мемлекеттік кірістер департаменті басқармасының бастығы Батырбек ЮСУПОВ жауап берді.
– Ақшаны жариялау кезінде алым төлеу жүргізіле ме?
– Жариялағаны үшін жария ететін тұлғалардан екі жағдайда ғана алым алынатын болады:
а) екінші деңгейлі банктерде арнайы есепшоттан мерзімінен бұрын (бес жылға дейін) ақшалар түсіріп алған жағдайда, экономикаға инвестициясыз;
б) Қазақстан Республикасынан тысқары жердегі мүлік (соның ішінде тиесілі емес тұлғаға ресімделген).
– Мүлікті жариялағаны үшін алым мөлшері қандай?
– Алым мөлшері Қазақстан Республикасының аумағынан тысқары жердегі мүліктің сатып алынған немесе бағаланған құнының 10 пайызын құрайды.
– Мүлік қай уақыттан бастап жарияланды деп есептеледі?
– Мүлік (ақшадан басқа) комиссия, салық органы жариялау туралы шешім шығарған уақыттан бастап жарияланған мүлік деп есептеледі. Ақша жинақ есепшотына енгізілген (аударылған) күннен бастап жарияланды деп саналады.
– Егер мен ақшаны жария етсем, оған табыс салығы салына ма?
– Жоқ, өйткені, ақшаны қоса алғанда, жарияланған мүлік жария ету субъектісінің кірісі ретінде танылмайды.
– Ақшаны жариялайтын (және оларды алдыңғы жылдарда көрсетпеген) мемлекеттік қызметшілер үшін қандай әкімшілік жауапкершілік қарастырылған?
– Рақымшылық мүлікті жариялайтын жария ету субъектілеріне қолданылады, атап айтқанда, «Сыбайлас жемқорлыққа қарсы күрес туралы» ҚР Заңының 9-тармағында қарастырылған декларациялар мен мәлiметтердi ұсынбағаны немесе толық, анық ұсынбағаны үшін тәртіптік жауаптылықтан босату тұрғысында. Мұнда жариялау күшінің жемқорлықпен құқықбұзушылық пен қылмыстар жасау нәтижесінде алынған мүлікке қолданылмайтынын ескерген жөн.