Өрт бес сағатқа созылды

Индер ауданына қарасты Елтай округіндегі дала өрті бес сағатқа созылды.       

Бұл өрт округтен он шақты шақырым жердегі«Бозтөбе» учаскесінде орын алған. Хабарды жеткізуші шаруа қожалықтарының адамдары болып шықты.

Біз бірден аудандық өрт сөндіру бөліміне хабарластық. Өртті сөндіруге он бестей адам қатысты. Ауа температурасы  елу градус ыссылықты көрсетіп тұрды. Ал жалын болса жел қалай ауытқиды солай қарай бағыт алады. Әліміз келмегендіктен көмекке өрт сөндірушілер келді. Бес сағат алысып, өртті сөндірдік-ау. Меніңше 100 гектарға жуық мал жайылымы қара күйе болып қалды, ал жапа шеккендер жоқ, - дейді Елтай округінің әкімі Ербол ДҮЙШІМ.

Ләззат ҚАРАЖАНОВА