Қыздың жұмбақ өлімі

9 маусым күні шамамен сағат 3-терде белгісіз қыздың жансыз денесі табылды. Қазір сарапшылар өлім себебін анықтауда.

ІІД баспасөз хатшысы Гүлназира МҰХТАРОВАНЫҢ айтуынша, сағат 15.00-дерде кезекші бөліміне белгісіз әйел адам қоңырау шалып, Махамбет пен Абай көшелерінің қиылысында тіршілік белгісі байқалмайтын жас әйелдің жатқанын хабарлады. Оқиға болған жерге жеткен полицейлер қыздың қайтыс болғанын, ешқандай зорлық белгісі жоқтығын тіркеген. Сол жерде болған сарапшы марқұмды 3-4 сағат бұрын қайтыс болған деген алдын ала жорамал жасады. Сараптама тағайындалып, 24-25 жастар шамасындағы, азиялық келбеттегі қыз баланың жеке басы анықталуда.

Лев ГУЗИКОВ