Алты адамның өмірін қиған апат

ІІД баспасөз хатшысы Гүлназира МҰХТАРОВАНЫҢ айтуынша, 4-маусымда сағат 17.30-да Атырау-Астрахан трассасында қайғылы оқиға орын алған.

Облыс орталығынан 25 км қашықтықта «ВАЗ-11174» пен «Фольксваген-Гольф» көліктері соғысқан. Жол-көлік оқиғасы болған жерде екі жүргізуші мен екі жолаушы қаза тапқан. Тағы жеті адам ауруханаға жеткізілген. Оның екеуі ауруханада көз жұмған. Тергеу жүргізілуде. Алдын ала жасалған жорамал бойынша, «ВАЗ-11174» жүргізушісі, Аққыстау поселкесінің тұрғыны қарсы қозғалыс жолағына түсіп кеткен.

Лев ГУЗИКОВ