Атырау, 21 шілде 20:09
Түнде бұлыңғыр болады+27, таңертең +24
ҚР Ұлттық банкінің валюта бағамы: $ 384.39  € 431.71  P 6.11

Төлқұжаттарды рәсімдеумен қайтадан ІІД айналысатын болады

9 маусым 2011 18:21

Әділет департаменті енді құжаттандыру және тұрғындарды тіркеумен айналыспайтын болады. Осы жылдың 10-шы маусымынан бастап төлқұжаттар мен жеке бас куәліктерін рәсімдеу, сондай-ақ, мекен-жайға тіркелу және мекен-жай есебінен  шығу ішкі істер министрлігінің құзырына беріледі.

 

- Қазір құжаттандыруды (төлқұжаттар және жеке бас куәліктері) қабылдау-өткізу, сондай-ақ, мекен-жайға тіркелу, мекен-жай есебінен шығу жұмыстары жүзеге асырылып жатыр,-дейді Атырау қаласы әділет басқармасының бастығы Сағынбай ТҰРҒАРИН. – Істі өткізу құжаттандыру және тұрғындарды тіркеу қызметін әділет органдарынан ішкі істер органдарына қабылдау-өткізу туралы бұйрыққа сәйкес 30 мамырда басталды.

Атырау облысы ІІД көші-қон полициясы басқармасының бастығы Руслан ӘДІЛОВбылай деді:

- Бізде әділет басқармасымен бірлескен жұмыс кестесі жасақталды.  Қала толығымен қабылданып болды, сондай-ақ, Жылыой, Мақат аудандарының да барлық құжаттары қабылданды. Бүгін (3 маусым - ред.) Махамбет ауданын қабылдайтын боламыз. 10 маусымға дейін бәрі түгелімен аяқталуы тиіс. Енді 10 маусымнан бастап-ақ азаматтарды құжаттандырумен ІІМ айналысатын болады.

- Енді адамдар төлқұжаттары мен куәліктерін алу үшін қайда баруы керек?

- Жыл аяғына дейін халыққа қызмет көрсету орталықтарына бара береді.

ІІМ-нің бұрын азаматтарды құжаттандырумен айналысқандығы естеріңізде болар, ал, 2005 жылдың 1 қаңтарынан бастап бұл міндеттер әділет министрлігіне берілген еді. Міне, қазір қайтадан ІІМ-нің құзырына беріліп отыр. Мұндай қайта құрулардың орын алуына нендей себептер болды деген саулымызға әділет басқармасының бастығы құқық қорғау органдары жүйесін қалыптастыру туралы ҚР президентінің жарлығына  сілтеме жасады.    

Сәуле ТАСБОЛАТОВА

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1535 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4