​Астрахань тас жолындағы апат: екі адам қаза тапты

2 қаңтар күні сағат 08:30 шамасында республикалық маңызы бар Ақтөбе-Атырау-Астрахань тас жолының 426 шақырымы тұсында Toyota Alfhard автокөлігінің 1993 ж.т. жүргізушісі басқару жүйесін игере алмай аударылды, деп хабарлайды облыстық полиция департаментінің баспасөз қызметі. Салдарынан көлік жүргізушісі мен бір жолаушысы оқиға орнында қаза тауып, 3 жолаушыға алғашқы медициналық көмек көрсетілді. 

Айта кетейік, аталған автокөлік жүргізушісіне оқиға болар уақытқа дейін патрульдік полиция қызметкерлері Қызылқоға ауданы Миялы және Сағыз ауылдары тұсында орналасқан бекеттерде екі мәрте ескерту жұмыстарын жүргізген.