«Майкаинзолото» АҚ кенішінде ондаған кемшілік анықталды

Төтенше жағдайлар министрлігі Өнеркәсіптік қауіпсіздік комитетінің Павлодар облысы бойынша департаментінің мемлекеттік инспекторлары кәсіпорынның өнеркәсіптік қауіпсіздік нормаларын сақтауы бойынша азаматтардың бірнеше мәрте өтініштері негізінде «Майкаинзолото» АҚ-ға жоспардан тыс тексеру жүргізді, деп хабарлайды ҚР ТЖМ ӨҚК Павлодар облысы бойынша департаментінің баспасөз қызметі. 

Тексеру барысында Майқайың жер асты кеніші, Майқайың байыту фабрикасы, қалдық қоймасы тексерілді.

Тексеру қорытындысы бойынша 33 бұзушылық анықталып, анықталған бұзушылықтарды жою туралы нұсқама беріліп, Қазақстан Республикасының Әкімшілік құқық бұзушылық туралы кодексінің 297-бабы 1-бөлігі және 298-бабы 1-бөлігі бойынша 2 әкімшілік айыппұл салынды.

Жоспардан тыс тексерудің қорытындысы бойынша кәсіпорын өкілдерімен жиналыс өткізілді, онда тексеру барысында анықталған бұзушылықтар қаралды, оларды жою мерзімдері талқыланды, сондай-ақ Қазақстан Республикасының өнеркәсіптік қауіпсіздік саласындағы заңнамасының талаптары, оның ішінде: Тау-кен және геологиялық барлау жұмыстарын жүргізетін қауіпті өндірістік объектілер үшін өнеркәсіптік қауіпсіздікті қамтамасыз ету қағидалары түсіндірілді.

Бұдан басқа, «Майкаинзолото» АҚ және «РЦШ ПВАСС» ЖШС басшылығымен іздестіру жұмыстарын одан әрі жүргізуге қатысты мәселелер қаралды.