​АҚШ-та ереуілдеткен 30-ға жуық адам ұсталды

АҚШ-тың Филадельфия қаласында полицейлер 30-ға жуық адамды қамауға алды. Ереуілшілер Құрама Штаттардың көші-қон және кеден полициясы ғимаратының алдында бас көтерген. 

Шерушілер ведомствоны жабуды талап етті. Президент Дональд Трамп көші-қон саясатын қатаңдатқаннан кейін елді осындай наразылық шаралары шарпыды. 

Айта кету керек, жаңа талап бойынша АҚШ-қа заңсыз өткен мигранттар қылмыстық жауапқа тартылады. Шекарада ұсталған босқындар ісі сотта қаралып, түрмеге қамалады. Ал олардың балалары босқындарды орналастыру жөніндегі басқарманың орталықтарына беріліп, ата-аналарымен қайта қауышқанша, сонда қалады. 

Ресми дерек бойынша, биыл мамыр айынан бері 2 мыңнан астам бала отбасынан бөлінген.

Дереккөз: 24.kz