​Тоқмәдиді күзеткен айдауылдарға қатысты қылмыстық іс қозғалды

Бас прокуратура өкілдері бизнесмен Мұратхан Тоқмәдиді ауруханада күзеткен айдауылдарға қатысты қылмыстық іс қозғалғанын мәлімдеді, - деп хабардайды Tengrinews.kz тілшісі. 

"Тоқмәди ауруханадан қашқан, онда жағдай басқаша. Айдауылдарға қатысты салғырттық танытқаны үшін қылмыстық іс қозғалып, олар жауапқа тартылды", - деді Бас прокуратураның Күшіне енген үкімдердің заңдылығын және олардың орындалуын қадағалау қызметінің басшысы Қайрат Жақыпбаев ведомствода өткен баспасөз мәслихатында. 

Мұның алдында Мұратхан Тоқмәдидің Тараздағы ауруханадан 8 наурызда қашуға оқталуына қатысты бөлек өндіріс қозғалған еді.

Дереккөз: tengrinews.kz