Атырау, 27 мамыр 18:27
Түнде ашық+12, таңертең +20
ҚР Ұлттық банкінің валюта бағамы: $ 325.75  € 382.04  P 5.31

Асықпаған аман-сау үйде болар  

11 ақпан 18:47


Атырау қалалық ІІБ жол-патрульдік полициясымен бірге «АЖ» тілшісі қаланың шулы көшелеріне шықты. Біз алдымен Жилгородок ықшамауданындағы жол қиылысына тоқтадық. Көп ұзамай жедел басқару орталығынан (ЖБО) «Әуезов көшесі бойындағы жүргіншілер өткелінен автомобиль әйеладамды өткізбеді. Сіздерге қарай бара жатыр» деген ақпарат түсті.

Хабарламаны қабылдаған полиция сержанты Медет НЫСАНБАЕВ келе жатқан көлікті тоқтатты. Жүргізушіге қатысты ӘҚтК-ның 600-бабы 1-тармағы (Жаяу жүргiншiлердің немесе жол жүрiсiнiң өзге де қатысушыларының жүруiне басымдық бермеу) бойынша хаттама толтырылып, 10 АЕК (24 050 теңге) айыппұл салынды. Сондай-ақ, жүргізушіге айыппұлды 7 күн ішінде төлесе, 50% жеңілдік болатыны ескертілді.

Айтпақшы, ереже бойынша адамдар, егер жақын жерде арнайы рұқсат беретін белгілер немесе жол қиылысы болмаса,кез келген жерде жолдан өте алады. Алайда жүргіншілер көлік ағынына кедергі келтірмеуі тиіс. Жүргізушілер де сақ болып, жылдамдықты асырмауы қажет, сонда ғана бақытсыз жағдайлардың алдын алуға болады,- дейді полиция лейтенанты Алмас ЗАКАРИЯЕВ.

ЖБО-дан келген келесі хабарламада Сырым Датұлы көшесімен «Toyota Estima» көлігін жүргізіп келе жатып, ұялв телефонмен сөйлескен Атырау қаласының тұрғыны Д.И. туралы болды. Ол бейнебақылау камерасына түсіп қалған. Алайда жүргізуші жол-көлік қызметкерінің алғашқы талабына тоқтамай, қуып жетуге тура келген. Кейіннен ол өз кінәсіздігін дәлелдегісі келгенмен, бейне жазба ереже бұзушылықты растады. Әрі қарай істі қалалық ІІБ-ға жіберді. Енді жүргізушіге қатысты ӘҚтК-нің 613-бабы (полиция органдары қызметкерінің талаптарын орындамау, алкогольдік, есірткілік және (немесе) уытқұмарлық масаң күйін куәландырудан өтуден жалтару) және 591-бап (Көлiк құралын басқару кезiнде жүргiзушiнiң телефонды не радиостанцияны пайдалануы) бойынша хаттама толтырылып, ісі сотқа жіберіледі.

ЖБО-дан тағы бір хабарлама келді – көлік жаяу жүргіншіні өткізбеді. Тоқтатылды – жүргізуші түскі асқа асығыпты. Тағы да жүргінші өткізбегені туралы хабарлама. Көлікті тоқтатқан бойда, жүргізуші таныс полицейлеріне қоңырау шала бастады, алайда бұл хаттама мен айыппұлдан құтқармады. Бұрын бір ереже бұзушылықты үш рет қайталаса 1 жылға көлік басқару құқығынан айыратын. 2014 жылдан бері бұл жазаны алып тастапты. Алмау керек пе еді?


Фархат ӘБІЛОВ

Видеоны түсірген Ғани САҒЫНДЫҚОВ

Нашли ошибку? Выделите её мышью и нажмите Ctrl + Enter.
 

1106 рет қаралдыБасты бет Поделиться:

Подпишитесь и узнавайте о новостях первыми


Тақырып бойынша жаңалықтар

Қисық автобус  1417 рет қаралды

ІІБ-ның жаңа бастығы  1708 рет қаралды

Малмен соқтығысу оқиғалары жиіледі  1335 рет қаралды

Жолды түзеуге уәде берді  1215 рет қаралды

Басты бет

1 2 3 4 5 6 7 8