«Оппозицияның айтары осы ма?», «АҚШ Ресей мен Қытайды басты қауіп деп тапты: Державалар тіресі басталды ма?», «Мәскеу Душанбеге қару-жарақ берді», «Қырғыз-өзбек саудасында сұрақ көп», "Мен қылмыскер емеспін".

AZATTYQ.ORG.  «Оппозицияның айтары осы ма?» - Қарағанды шахталарындағы ереуіл кезінде байқалған қызық жайттардың бірі Қазақстанның оппозициялық ЖСДП партиясына қайта жан біткені болды.

«Мәскеу Душанбеге қару-жарақ берді» - "ДАИШ содырлары Ауғанстанға өтіп жатыр" деген хабар тараған кезде Ресей Тәжікстанға әскери-техникалық құрылғылар жөнелтті.

«Қырғыз-өзбек саудасында сұрақ көп» - Жаңа президенттері кездескен Қырғызстан мен Өзбекстан өзара сауда қатынасын дамытуға мән берді. Сарапшы Сапарбай Жұбаев Азаттыққа берген сұхбатында екі ел саудасының ерекшеліктеріне тоқталды.

 "Мен қылмыскер емеспін" - Алты жыл бұрын Жаңаөзенде болған ереуілден соң сотталған мұнайшылар белсендісі Мақсат Досмағамбетовтің түрме жазасы бүгін аяқталды. Ол бұл ереуілдің құны өзі үшін өмірімен өлшенгенін айтады.

«НТС кеңсесіне сот орындаушылары келді» - Қырғызстандық НТС телеарнасына сот орындаушылары келіп, компания мүлкін бұғаттау туралы сот ұйғарымын таныстырды. Бұл телеарна саясаткер, президенттікке кандидат болған, Жогорку Кенеш депутаты Омурбек Бабановқа тиесілі деп сипатталады.

QAMSHY.KZ. «Ерлан Қарин: Дәстүрлі бағыт пен жаңа медианы бөліп қарастыруға болмайды» - ««2018 жылдың қаңтар айында Қазақстан ұлттық арнасының жаңа қосымшасын назарларыңызға ұсынамыз. Мүмкіндігінше шетелдік тәжірибені, қазіргі аудиторияның сұранысын, талабын ескере отырып жасауға тырысамыз».

STAN.KZ. «Ғалымдар селфиқұмарлықтың психикалық ауру екенін анықтады» - Ғалымдар аталған зерттеуді International Journal of Mental Health and Addiction журналында жариялады.

 QAZAQTIMES.COM. «АҚШ Ресей мен Қытайды басты қауіп деп тапты: Державалар тіресі басталды ма?» - Трамп Құрама Штаттың президенті болғаннан тартып «Америка – көшбасшы» саясатын жолға қойып, АҚШ-тың экономика, қауіпсіздік және басқа да жақтардағы лидерлік орнын бекемдеуге тырысып келеді. 

EGEMEN.KZ. «Дүниежүзілік банк Вашингтондағы мәжіліс залына қазақ қызының есімін берді» -  Дүниежүзілік банк Вашингтондағы штаб-пәтерінің мәжіліс залын Қазақстаннан шыққан қызметкері Алма Оразалинованың есімімен атады. Бұл қазақ қызының банктің дамуына қосқан ауқымды үлесін мәңгі есте сақтау үшін жасалған қадам, деп хабарлайды «Хабар» арнасы.