№2 Атырау соты Индер АІІБ аға тергеушісін қамауға алуға санкция берді, деп хабарлайды облыстық соттың баспасөз қызметі.
Ол азамат М.-дан оның ұлына қатысты қылмыстық істі тоқтату үшін 90 мың теңге мөлшерінде пара алды деп күдіктеліп отыр. Сонымен қатар, тергеуші оқу орнына қылмыстық іс туралы хат жолдамауға уәде берген. Жемқорлыққа қарсы күрес департаментінің қызметкерлері полицейді Атырауда пара алып жатқан жерінен ұстады. Тергеу жүргізілуде.
Мұрат СҰЛТАНҒАЛИЕВ