Ақпан балдаққа сүйенді

Облыстық аурухананың травматологиялық қосынының тіркеу журналы майдан даласынан түскен мәліметтерді еске түсіреді.

1 ақпаннан бастап ауруханаға түрлі сынықтармен 11 адам, 2-сінде – жеті,  3-інде – он адам түсті. Жұмыс күндеріне қарағанда демалыс күндері  барынша тыныш болды: екі күнде «барлығы» 11 пациент түсті. Жұмыс аптасының басталуы адамдарды тағы да көктайғақпен жұмысқа асығуға мәжбүрлеуде, айтқандай, дүйсенбіде таңертеңгілік екі сағаттың ішінде-ақ ауруханаға сынықпен 6 адам түсіп үлгерді.

– Тастай болып қатып қалған қар мұздан бетер. Әсіресе, егде адамдарға қауіпті: олардың сүйектері барынша морт сынғыш, әлсіздеу болып келеді,  - дейді облыстық аурухананың травматологиялық бөлім-шесінің меңгерушісі Асхат БИСЕНҒАЛИЕВ. – Пациенттер негізінен қол-аяқтарының сынығына шағымдануда. Қазір бөлімшеде барынша ауыр жарақат алған егде адам жатыр: оның омыртқа жотасы сынған.

Облыстық балалар ауруханасында бас дәрігер Нұрқабыл АЙТМҰХАМБЕТОВТІҢ айтуынша, тайғаққа байланысты түсіп жатқан пациенттер көп емес екен. 

Зульфия ИСКАЛИЕВА