Тас жолдағы апат: екі адам көз жұмды

«Атырау-Индер» тас жолының 89-шы шақырымында соңы кісі өліміне әкеп соқтырған жол-көлік оқиғасы орын алды.

Атырау қаласына бағыт алған 24 жастағы жүргізуші «Киа Рио» автокөлігінің басқару жүйесіне ие бола алмай, қарсы бағытта келе жатқан «Лада Гранта» автокөлігіне соқтығысып қалды.

ЖКО салдарынан «Киа Рио» автокөлігінде болған жолаушылар – 20 жастағы жігіт пен 69 жастағы ер адам оқиға орнында қаза болды. Ал «Лада Гранта» жолаушысы - әйел адам ауыр дене жарақатымен Атырау облыстық ауруханасына жеткізілді.

Махамбет ауданы прокурорының орынбасары Жасталап УРАКОВ хабарлағандай, ҚР ҚК 345-бабы 4-тармағы («Көлiк құралын басқаратын адамның абайсызда екi немесе одан да көп адамның өлiмiне әкеп соққан іс-әрекеті») бойынша сотқа дейінгі тергеп-тексеру амалдары жүруде.

Ләззат ҚАРАЖАНОВА