Ресейде өзіне қол жұмсауды насихаттаған «ВКонтакте» желісіндегі 8 топқа тыйым салынды

Ресейдің Байланыс, ақпараттық технологиялар және бұқаралық коммуникациялар саласын бақылау жөніндегі федералдық қызметі (Рескомбақылау) «ВКонтакте» желісіндегі «суицидті насихаттаған» 8 топқа тыйым салды, деп хабарлады Ведомство басшысы Александр Жаров. Бұл туралы ТАСС агенттігі жазды,- деп хабарлады ҚазАқпарат.

««Рескомбақылауға» суицидті насихаттаған 11 бейресми топ туралы ақпарат келіп түсті. Қазір сегіз парақшаға тыйым салынды, үшеуіне Ресей тұтынушылар бақылауы органы сараптама жүргізуде», - деді Жаров.

Оның айтуынша, тыйым салынбай тұрған үш топты ашып, жүргізіп отырғандар ақпараттарды өшіріп үлгерген.

Дереккөз: Іnform.kz