АҚШ Солтүстік Кореяға жаңа санкциялар салды

Фото: azattyq.orgAҚШ қаржы министрлігі Солтүстік Кореяға қарсы жаңа экономикалық санкциялар салды.

Ақ үй баспасөз хатшысы Джош Эрнесттің 16 наурызда хабарлауынша, санкциялар БҰҰ Қауіпсіздік кеңесі Пхеньянның таяуда зымыран сынағанын айыптайтын қарар қабылдағаннан кейін салынған.

Солтүстік Корея өткен айда БҰҰ Қауіпсіздік кеңесінің тыйым салатын қарарын елеместен, баллистикалық зымыранын сынаған. Пхеньян бұған қоса, қаңтар айында сутегі бомбасын сынағанын хабарлаған.

АҚШ пен өзге елдер бұған дейін Солтүстік Кореяны ядролық бағдарламасынан бас тартқызуға мәжбүрлеу үшін бірнеше санкция салғанымен, Пхеньян ядролық және зымыран сынақтарын тоқтатпай отыр.

Дереккөз: azattyq.org