Мәскеу мен Вашингтон лаңкестерге қатысты ақпарат алмасуға дайын

Мәскеу Ирак пен Левант лаңкестік ұйымына қарсы іс-қимылды Вашингтонмен бірлесе атқаруға қарсы емес.

Бұл туралы Ресей қорғаныс министрінің ресми өкілі Игорь Конашенко мәлімдеді. Оның айтуынша, АҚШ-тың бірлесе жұмыс жасау ұсынысын өз ведомствасында талқылаған. Енді нақты іске көшу үшін келісімді егжей-тегжейлі қарап, талқылау ғана қалды. Сәрсенбі күні екі елдің мамандары осы істі жылдамдатуға кіріспек. Бұған дейін Ресей қорғаныс министрлігі лаңкестерге қатысты істі бірлесе атқару үшін АҚШ-қа ұсыныс жасаған болатын.

Дереккөз: 24.kz