Аяз атаға хат жаз!

Еліміздің барлық өңірлерінде «Қазпошта» АҚ-ның«Аяз атаға хат жаз!» атты жаңажылдық акциясыбасталды. Балалар Абай көшесі, 6 мекенжайын-дағы бас пошталық бөлімше алдында тұрғанарнайы жәшікке тілектері жазылған хаттарынсалып, мейірімді сиқыршыға жібере алады.

Анықтағанымыздай, «Аяз атадан келген арнайы комиссия» әр өңірден ең үздік 10 хатты таңдап, авторларына сыйлық тарту етеді.

- Акция басталғаннан бері әртүрлі тілек жазылған жүзден астам хат келіп түсті. Біреулері «ең соңғы» смартфон немесе планшет, кейбірі «әке-шешем ешқашан ұрыспаса екен» деп тілесе, біреуі «емделіп, қайта жүріп кетсем екен» деп армандайды, - дейді «Қазпошта» АҚ баспасөз қызметінің жетекшісі Байрам АЗИЗОВ. – Әлеуметтік қорғалмаған отбасылардан шыққан балалар мен жетімдердің хаттарына басымдық беріледі. Қалғандарына мейірімді сиқыршыдан құттықтау жазылған ашықхаттар жіберіледі. Хаттарды қабылдау 20 желтоқсанда аяқталады.

Анастасия ПАСТУХОВА