Сот Каталониядағы референдум жоспарын тоқтатты

Испания конституциялық соты 29 қыркүйекте қараша айында Каталония автономиялық аймағының тәуелсіздігі туралы референдум өткізу туралы қаулының күшін жойды.

Сот шешімінде әуелі жоспарланған референдумның Испания заңдарын бұзбайтындығын тексеру қажетті айтылған. Сотқа референдум туралы декреттің заңдылығын тексеру туралы Испания үкіметі шағым түсірген. Испания премьер-министрі Мариано Рахой мұндай дауыс беру конституцияға қайшы келеді деп санайды.

28 қыркүйекте Каталония автономиясының басшысы Артур Мас 9 қарашада аймақтың тәуелсіздігі туралы референдум өткізуді шақыратын қаулы шығарған еді. 

Каталония Испанияның ең бай және өнеркәсібі дамыған аймақтарының бірі саналады. Экономикалық дағдарыс пен Мадридтің қатаң экономикалық шараларды қабылдауынан бері бұл облыстың тәуелсіздік алуын жақтайтындар саны артқан.

Дереккөз: Азаттық радиосы