Әзірге айналып өтуде

Жыл басынан бері Қазақстанда тамақтан жаппай уланудың 7 жағдайы тіркелді. Барлығы 114 адам зардап шеккен.

–Атырауда жаппай улану, сонымен қатар тұрғындардан сапасыз азық-түліктерге қатысты шағымдар тіркелген жоқ, - дейді қалалық тұтынушылар құқығын қорғау басқармасының бас маманы Эльвира ОМАШЕВА. – Жаз басталысымен біз ірі сауда орындарында үнемі акциялар жүргізіп отырамыз. Онда тұтынушылар сатып алатын азық-түліктердің сапасын тексере алады. Елде шағын және орта бизнес субъектілерін тексеруге жарияланған мораторий өз күшінде. Алайда азық-түлікке қатысты ісі бар кәсіпкерлерге босаңсымауға кеңес беремін.  

Адамдардың аурухана төсегіне таңылуына кінәлі болған қазақстандық бизнесмендер жауапкершілікке тартылды: Бас прокуратураның мақұлдауымен жоспардан тыс тексеру тағайындалып, қылмыстық істер қозғалды.

Егер әңгіме бірен-сараң улану туралы болса, тұтынушылардың өздері прокуратураға немесе бірден сотқа жүгінуге құқылы.

Тамара СУХОМЛИНОВА