Бақыт Сыздықованың қарызы тағы да көбейді

Былтырдан бері жұмыссыздар қатарын толықтырған әйгілі қарызы көп экс-депутаттың берешегі тағы да көбейді, деп жазады qaznews.kz ҚазТАГ-қа сілтеме жасап.

ҚазТАГ таратқан мәлімет бойынша, ол Ұлттық параолимдиадалық комитетте жұмыс істеген тоғыз ай ішінде қаржы алып, тиісті құжаттарды тапсырмаған. Сома да анау-мынау емес, бақандай 30 млн. теңге. Оған бұл соманы қайтаруға 1,5 ай уақыт яғни, 26 ақпанға дейін мерзім берілген. Егер тура сол уақытқа дейін қайтармайтын болса, Ұлттық параолимпиадалық комитет сотқа жүгінуге мәжбүр. Жағдай солай бола тұра, бұл мәселе Сыздықованың ойына кірмейтін секілді. Ол болса, әлі партияның қарызымен басы қатып жүр.

«Барлық қаражат тиісті нәрселерге жұмсалып кетті. Команда капитатында барлық чектер сақтаулы. Егер мені сотқа шақыратын болса, олардың барлығын көрсетуге дайынмын. Біз осы жылы партияға бірнеше рет тиісті қағаздарды көрсетіп, аталған қарызды кешіруді сұрадық. Олар уәде бергенмен, ештеңе өзгерген жоқ», — дейді Сыздықованың өзі партияға берешегі туралы.

Мәлімдеуіне қарағанда, оған былтыр әлдекімдер параолимпиадалық комитеттегі қызметінен кетуді сұраған. Содан бері ол жұмыссыздар қатарын толықтырыпты.

Дереккөз: bnews.kz